Paggena:Poesie napoletane - Ferdinando Russo.djvu/127

'A Wikisource.
Chesta paggena è stata leggiuta.
125
poemetti del cuore




ARIETTE A DISPIETTO


I.


Passano ll' ore, oi-ne', passano l' anne,
e se ne va cunzumanno 'a vita mia!
Tu te ne ride, cresceno l' affanne,
me faccio viecchio e 'a sento, 'a malatia!
Dimanno a 'o core, e chillo me risponne:
— Tiènete 'a posta, l' hai vuiuta tu!
Comme seccate cadono li fronne,
cadette Ammore, e nu se sose cchiù!

II.



Che t'aggio fatto, ca te si' pentito?
Che t'aggio fatto, ca tu m' hai lassato?
Che t'aggio fatto, ca ll' aniello 'o dito
primma m' 'o diste e mo' te l' hai pigliato?
Aniello, aniello d' oro, addò starraie?
Nfaccia a qua' mana si' passato tu?
Dàmme nuvella 'e chi te s' arrubbaie,
pecchè de tanno, chi t' ha visto cchiù?!