Chesta paggena è stata leggiuta.
115
poemetti del cuore
RAGGIO 'E SOLE
Ah, quant'è bello, doppo tanta lacreme,
tant’ anne d’agunia,
stu cielo chiaro, apierto e senza nuvole,
stu raggio 'e sole dint’ ’a stanza mia!
Doppo 'a tempesta 'e tuttuquanta l' anema,
doppo na vita tuttuquanta nera,
da dint' 'o core sguigliano
a ciento a ciento 'e sciure 'e primmavera.
'E suonne brutte passano
quanno tu viene a rischiarà stu core;
'o cielo, 'o mare luceno
cumm' a st' uocchie che parlano d' ammore!
