Paggena:Poesie - Salvatore di Giacomo.djvu/50

'A Wikisource.
Vai alla navigazione Vai alla ricerca
Chesta paggena è stata leggiuta.
46
voce lontane

’O VICO D’ ’E SCUPPETTIERE.


DINT’a lu vico de li Scuppettiere,
addò se fanno scuppette e pistole,
sott’ a n’arco ce sta nu cafettiere,
tene pe figlie tre belle figliole,
dint’ a lu vico de li Scuppettiere.

Si nun me sbaglio, una se chiamma Rosa;
ne va ciento ducate la resella:
quanno mette cafè che bella cosa,
che bella grazia, che bella manella!
Si nun me sbaglio una se chiamma Rosa…

Ll’ata sora se chiamma Nunziata,
se mette sott’a ll’arco e canta a stesa,
passa la gente e ce resta ncantata…
"Che bella voce che tene sta mpesa!"
Ll’ata sora se chiamma Nunziata.