Chesta paggena è stata leggiuta.
45
voce lontane
NCOPP’ ’E CCHIANCHE.
NCOPP’ ’e Chianche, ’int’’a na chianca
aggio visto a na chianchera,
cu nu crespo ’e seta ianca,
cu ciert’uocchie ’e seta nera,
e, da tanno, sto passanno
sulamente p’’a guardà,
ncopp’ ’e Cchianche ’a Carità.
E passanno stammatina
aggio visto c’’o guarzone,
sott’’a porta, ’e pume ’attone
sceriava c’’o limone,
e ’a chianchera steva stesa
mmocc’a porta, e accarezzava…
nu mmalora ’e cane ’e presa!
