Paggena:Poesie - Salvatore di Giacomo.djvu/362

'A Wikisource.
Vai alla navigazione Vai alla ricerca
Chesta paggena è stata leggiuta du' vote e mo è fernuta.
358
ariette e sunette

Scetateve, scetateve, picciuotte!
Mannaie? Parte ’o papore!
Susiteve ch’è tarde, è fatto iuorno
e vuie durmite ancora!
Pigliateve ’e zampogne,
ncapputtateve buono ascenno fora,
ca fa nu friddo ca fa zumpà ll'ogne!

E, a ppoco a ppoco, 'a grotte vummecaie
(parlanno cu rispetto)
quase na sittantina ’e zampugnare.
Stunate ’e cchiù figliule
steveno tutte quante…
Cammenaveno arreto sule sule.
Jeveno ’e viecchie, accapputtate, nnante.

Mo s’‘e pporta ’o cummoglio: e sesca, e corre:
e case, arbere e sciumme
fuieno comm’‘o viento…
Nun parla cchiù nnisciuno
mmiez’‘a fredda campagna;
ma pur ancora suspira quaccuno:
"Ammore, ca si’ comm’a na muntagna"…