Paggena:Poesie - Salvatore di Giacomo.djvu/363

'A Wikisource.
Vai alla navigazione Vai alla ricerca
Chesta paggena nun è stata leggiuta.
359
ariette e sunette

VOCCA ADDUROSA.
VoCCA addurosa e fresca,
vocca azzeccosa e ddoce,
addo’ c’ o tuio se mmesca
stu sciato, addo* ia voce
è museca, è suspiro,
è suono cristallino,
vocca e curailo fino
cchiù pura ’e nu zaffiro;
si perla preziosa,
si* mmèle nzuccarato,
si’ na rusella nfosa,
si’ n’ aceno ’e granato...
Vocca ’e delizia e ammore,
dimme, Maria chi tene
stampato dint’ o core,
dimme si mme vo* bene...