Paggena:Poesie - Salvatore di Giacomo.djvu/33

'A Wikisource.
Chesta paggena è stata leggiuta.
29
voce luntane








                                      Fronna d’aruta!…
Stu core mio stracquato e appecundruto
io nun me fido d’’o purtà cchiù mpietto:
ll’aggio atterrato e manco aggio arricietto,
e porto passianno a nu tavuto.

Ah, fronn’ ’e rosa mia, frunnella ’e rosa!
muorto ’e na ventina ’e malatie,
e ogne tanto ’o risusceta quaccosa,
cierti penziere, cierti ffantasie…