Chesta paggena nun è stata leggiuta.
307
ariette e sunette
LL’ORTENZIE.
■ST'ortenzie ca tenite ’int’a sta testa
■ che Il'adacquate a fa’ ? Nun l’adacquate :
levatennelle a fora ’a sta fenesta,
nun 'o bedite ca se so’ seccate
st'ortenzie ca tenite ‘int’ a sta testa ?...
È na malincunia; sta pianta è morta;
se ne cadeno ’e sciure a ffronne a ffronne,
e o viento, bella mia, piglia e ss’ ’e porta,
e chi sa che ne fa... se ll annasconne...
E’ na malincunia : sta pianta è morta !
Morta nziemme cu nuie. Muorte nuie simmo :
nun ce penzammo cchiù, nun ce parlammo,
nun ce vedimmo cchiù, nun ce scrivemmo...
E se po’ chiammà vita ? E nuie campammo ?
Meglio, meglio accussì : muorte nuie simmo.
■
