Paggena:Poesie - Salvatore di Giacomo.djvu/309

'A Wikisource.
Vai alla navigazione Vai alla ricerca
Chesta paggena nun è stata leggiuta.
305
ariette e sunette

ARIETTA.

GlÀ cchiù chiara e cchiù lucente
sponta, 'a sera, 'a luna ncielo :
«già pe llaria, già se sente
maggio tiennero passà.

C’ 'a ceroggena vicino,
c' 'a fenesta aperta nfaccia,
io mme metto a tavulino,
comm'a seie sett’anne fa.

E, a quatt uocchie — comm’a tanno —
cu stu core mme rummano :
me ce spiego e ll'addimanno
si ce stanno nuvità.

— Iammo ! — dico — E parla ! ’A siente
st'aria fina ? ’E bbide ’e stelle ?
Parla meh !... Nun dice niente ?
Te staie zitto ? Ma pecché ?...