Paggena:Poesie - Salvatore di Giacomo.djvu/219

'A Wikisource.
Chesta paggena è stata leggiuta.
215
canzone nove


Voca, voca!… ’A sirena mm’aspetta…
Mme fa segno e cantanno mme dice :
— Piscato’, vuo’ cagnà sta varchetta
cu nu regno e na vita felice? —


Voca fora!… Sta voce ’a canosco!…
chi mme chiamma se chiamma Isabella…
Prucetana, si’ nfama e si’ bella…
E mme stive facenno muri…


Na voce amabele
tremma ppe ll’aria…
ma è tutt’inutele…
nun me po’ vencere!…
Saccio a sta femmena
ca, sotto Proceta,
ncantate l’uommene
fa rummané!…


E na santa tengo io ca mme prutegge
e me scanza p’ ’a via…
Santa Lucia! Santa Lucia!
Ohè! Ohè!…