Paggena:Poesie - Salvatore di Giacomo.djvu/218

'A Wikisource.
Vai alla navigazione Vai alla ricerca
Chesta paggena è stata leggiuta.
214
canzone nove

Ma na santa tengo io ca mme prutegge
e me scanza p’ ’a via…
Santa Lucia ! Santa Lucia !
Ohè! Ohè!



Voca !… Voca!… A ’ì ccà Proceta, nera
sott’o cielo sereno e stellato :
’a vì’ ccà, mmiez’ ’a st’aria d’ ’a sera,
tale e quale a nu monte affatato…

’A vì’ ccà!… Che silenzio e che pace!…
Ll’ora è chesta d’ ’a bêlla sirena…
Scenne, sciùlia, s’abbìa ncopp’ ’arena…
e nu segno c’ ’a mano mme fa…


Na voce amabele
tremma pe ll’aria:
— Scanzete, scanzete
ca staie mpericolo!
chesta è sta femmena
ca sotto Proceta
ncantate ll’uommene
fa rummané… —


Ma na santa tengo io ca mme prutegge
e me scanza p’ ’a via…
Santa Lucia! Santa Lucia!
Ohè! Ohè!