Chesta paggena nun è stata leggiuta.
151
canzone
Ma mo, ca lu tiempo nn' è cchiù de na vota,
ca sulo na trezza faceva spusà,
si tanno na trezza valeva pe dota
mo va na frangetta pe farse guardà.
Si tu te l'allisce cu chesta manella,
guardanno da sotto cu ll'uocchie cianciuse,
io comm' 'a palummo sparato a na scella
murenno a sti piede te vengo a cadé...
Si te sciusce e pazzianno
c' 'o ventaglio te faie viento,
e 'a frangetta va vulanno
e maie nfronte se vo' sta',
a sta guerra, a sta pazzia,
Ntunettè, ce piglio gusto,
pecché 'o viento gelusia,
core mio, nun me pò fa'.
Ntunettella, Ntunettè...
Frangettella, frangettè !
