Paggena:Poesie - Salvatore di Giacomo.djvu/154

'A Wikisource.
Vai alla navigazione Vai alla ricerca
Chesta paggena nun è stata leggiuta.
150
canzone

LA FRANGETTA.



SENTITE stu cunto : Ce steva na vota
na bella figliola chiammata Teresa,
ca sulo li trezze purtava pe dota,
na dota... 'e capille; -sentite, sentì'.

La sera veneva nu bellu guaglione,
chiammava Teresa da vascio a la strata;
Teré – le diceva – sto sott' 'o barcone,
acale sti trezze ca voglio saglì.

Ora vuie me dimannate
chisto cunto che vo' di',
ma si site nnammurate
vuie l'avite da capì.

La frangetta de capille
pur' è fatta, e vuie sapite
ca li core, a mille a mille,
pure è bona a ncatenà.

Ntunettella, Ntunettè !
Frangettella, frangetté !