SCENA l.a
Ermelinda e detti.
Ermelinda.
(iviene dal fondo guardinga) Guè, aggio ntiso che Checchina t'ha annunziato a papà e cu na scusa sò asciuta pe te vedè, Adolfo mio!.. (Checchina resta in fondo).
Adolfo.
(a fior di labbra) E tiene pure ’o curaggio 'e me chiammà accussi?
Ermelinda.
Dì 'a verità me vuò dà ’o riesto? Tu nun saie chello che soffro, chello che sto suffrenno...
Adolfo.
Comme, dinto nce sta il vostro fidanzato!
Ermelinda.
Vattè, nun me fa ridere tu e isso!
Adolfo.
Comme, nun è venuto a cumbinà il prossimo matrimonio?
Ermelinda.
E tu me credarisse capace ’e na simile cattiva azione!
Adolfo.
Sarria na nfamità, ato che cattiva azione!..
Ermelinda.
Ma comme, io te l’aggio scritto., e cche aveva fa cchiù io puverella...
Adolfo.
Sì sapisse che curtellata ’o core fuie chella lettera pe me!.. D’allora nun aggio tenuto capa a cumbinà niente cchiù.. Sò addeventato nu pazzo, nu scemo!..
