Ciccio
[suona il campanello]. Io credo ca chill’animale ’e monzù nce vò fà sta senza cafè stammatina!
SCENA 8.a
Michele, dal fondo e detti.
Michele
(con vassoio con tazze di caffè, due ciotole di latte e cioccolato e briochés) Eccomi pronto.
Ciccio
(a Michele) Me piace 'a sveltezze, me piace! Falle i miei complimenti a monzù!.. (prende il caffè) Clurì, 'a vuò tu sta tazza ’e cafè?
Clorinda
No.. Michè, famme purtà na tazza ’e ciucculata.. (Michele serve a Sasà e a Rafele, che insieme vanno sullo scrittoio a far colazione) Guè, Miché, bada ca briosce nun ne voglio., sti ccose cu ll’uovo fanno peso ’o stommaco ’a matina...
Ciccio.
(a Michele) E portele ’e biscotte all’annese.
Michele.
Vi servo subito... (p. a.)
Clorinda.
(a Michele) Aspetta... (a Ermelinda) E tu, che te vuò piglià, gioia e mammà?
Ermelinda.
Ah! ve site ricurdato finalmente!.. Michè, porteme na tazza ’e cafè e nu biscotto.
Michele.
Vado a servirvi, eccellenza... (via dal fondo)
Ciccio.
Ave ragione nennella, nisciuno le dimandava niente.
