Rafele
E si nun me faie parli, animale! (si sente di nuovo il campanello)
Michele
Avite ntiso, ’o signore ha chiamato n’ ata vota..
Rafele
Nun nce penzà.. si te dice quacche cosa le rispunne che ire iuto a mpustà na lettera pe mè.
Michele
(rassicurato) E allora va bene.. Signò, ma dicite, facite priesto.
Rafele
(guarda intorno, poi a bassa voce) Vuie duie v'avi te sta attiente su ogni movimento che fanno tant'isso ca essa... Avite, primma 'e tutto, riuscì a meritarvi 'a fiducia lloro, e ogne segreto, ogne discorso, ogni parola che ve riesce ’acchiappà me l'avita fa sapè a me.
Michele
(dopo pausa) Ma chesto, scusate ca v ’o dico, nun è na bell’azione.
Checchina
Significa tradì ’a fiducia d’ 'a signurina..
Rafele
Embè, si vuie vulite fa ’e generose io nun sulo ce dico a Ciccio che facite am more tutt’ ’e duie, ma quanto l’incoraggio a pigliarse 'e cammariere ’e l’alta Italia.. Mentre si riuscite a farne avè nu ducumento lloro minano a me me cumprumetto ’e farve resta a servì ccà.
I DUE
(sorpresi) Nu documento?
Rafele
Cumrne site tarde a capì! Voglio dì na lettera ’e l’uno o ’e ll’ata.
