20 mila pure sò troppo!.. Pecchè Chisto è l’utile che te dà ’o cummercio tuio!!.
Ciccio.
(concitato) Sta bene... saccio quanto me basta...
Antonio.
Intanto, nun fernarrà 'a settimana e tu ricevarraie ’o bilancio dettagliato.. E mò pare che nce ne putimm’j...(prende i cappelli)
Ciccio.
Aspè; Adò, provvedi p’ 'e casi tuoi, pecchè tu cu 'a fine ’o mese non faie cchiù parte d’’a casa mia!..
Antonio e Adolfo.
(con sorpresa) Oh!!.
Antonio.
E pecchè?
Ciccio.
E’ meglio che ncopp’ ’a sta decisione mia nun me dimandate spiegazione..
Antonio.
Comme!..
Ciccio.
E’ meglio pe vuie e pure pe me...
Adolfo.
(a Ciccio) Pure quanno n’è cacciato l’urdemo servitore ’a na casa le se dice ’e ragione, e tene ’o deritto ’e se difendere.
Ciccio.
(seccato) V’ ’o torno a dì: làssateme sta.
ANiONIO.
(con forza) Comme, lassateme stà?.. Ma che sì asciuto pazzo?.. Figliemo, ch’è un giovine intelligente e un galantomo, nun pò permettere d’esserne cacciato, doppo avè fa
