Paggena:Opere inedite di varj autori - Tomo I (1789).djvu/165

155

Egroca

La Storia antica, e la geografia,
E la felosofia.
E studiano Matemateca: e tte sana
Vederle desegnà co polezia
Co na poma de chiuovo, o de cravone,
Ccà na fortezza, e llà no bastione.
Ton. Io resto stoppafatto
De tanta belle cose che m’aie ditto.
Cìan. Siente sto bello fatto,
Che ba n’uocchio deritto.
Azzocchè bide, ca non so ppapocchie
Ste cose, e non t’abbotto de pastocchie.
Facettero na vota sti Segnure
Na prova de li studeie, che facevano:
Nce nvitaieno letture
De primma sfera, e de la segnoria
L’accoppatura, ch’a ffolla venevano.
S’accommenza la prova
Ncopp’Arazio, e Terenzio ’n primmo luoco:
E t’abbampa de fuoco
Ognuno che se nsammena,
Accossì speretuso, accossì pprunto
Responne. Fatte cunto
Ca chille, che le stevano a ssentire
(Tutt’uommene de cunto,
Ch’erano chiù de ciento!)
Non feneano de dire:
Affè sti segtiorielle
Campanielle nce pareno d’argiento:
E se so tanto addotte sti guagliune;
Li mastre songo tanta Salamune.

Ton.

G 6