CIent’anne arreto, ch’era viva Vava,
Nnante che ffosse Vartommeo Coglione,
Dicea no cierto, che l’auciello arava
A ttiempo che sguigliaje lo Sciatamone.
Nc’era lo Rrè Marruocco, che s’armava
Panzera, lanza longa, e toracone,
E po jev’a ttrovà li Mammalucche
Co balestre, spigarde, e co ttrabucche:
Chillo fu ttiempo, che Berta filava
Lo chillo doce vivere a l’antica
Portave brache, e nullo delleggiava,
Quatt’ovą a Cola te dicea la Pica.
Si pe la via na femmena passava,
Le dicevano: Ddio la benedica.
Mo s’uno parla, e chella se corruzza;
Chi te piente che ssia? monna Maruzza.
O bell’ausanza, e ddove si squagliata!
Pecchè non tuorne, o doce tiempo antico
Pigliave co lo bisco a na chiammata
Cient’aucelluzze a no trunco de fico.
Le ffemmene addorose de colata
’N dobretto s’aunevano a no vico,
Danzanno tutte ’n chieta, o bona fede!
La Chiatanzana, e po lo Spontapede.
Paggena:Opere inedite di varj autori - Tomo I (1789).djvu/14
Chesta paggena è stata leggiuta.
3
Dove
A 2
