Po’ canta tutt’ ’o juorno! Canta senza la mente.
Vogliaine sulo bene, pecche te voglio bene!
Io nun so ’nu marito c’ ’a sera, quanno vene,
trova, cu malagrazia, che tutto è malamente!
Io voglio, appena traso, cuntarte tale e qua^e
chello ca m’ è succieso, chello c’ aggiu passato...
L amice c’aggiu visto... Quant’ è c’aggio abbuscato...
Si uno m’ ha fatto bene... n’ ato m’ ha fatto male...
E quanno, quacche ssera, te conto,., ca n’ amico,
l’amico ’o cchiù fidato, m ha dato dispiacere,
rispunneme: " Nun niporta! Levate sti penziere...
cà ce stongh’ io! Curaggio! Cunfidate cu mmico! n
Dimme tutt’ è pparole ca mme può di’ cchiù belle.
Vasame ’nfronte... Astregneme, cumme a nu figlio,
[’mbraccia.
Stonarne. Addubbecheame... passannome pe’ faccia
sti bbelli mmane toie cenere e sfusatelle...
E comme chestu lloco succede tutt’ ’e sere...
— L’amice mieie so’ tante!... Sò tante ’e crestiane!—
Nun t’apprettà... Repòsate! Famme truvà ’sti mmane
cenere e sfusatelle sempe accussi cenere!
