A PACE D’ ’A CASA
lo si, te voglio bene. Ca dint a casa mia
t aspetto pe patrona, nun già pe’ cammarera,
lo nun so comme a chille che teneno a mugliera
pe* farse lavà e panne, cosere ’a biancaria...
P ’a cummannà a bacchetta, ’nzerrata ’e mise sane,
chiammannola c o sisco comme a na cacciuttella...
Ca tanno so cuntente quanno, figliola e bella,
’a fanno fa ’nu straccio... secca...cu ’e calle a’e mmane!
lo sì, te voglio bene! Cucinarne sciapito...
— Ragù pigliato sotto, brodo senza mazzetto...—
Che fà? Si è senza sale, te pienze eh’ io ce ’o mmetto?
Pecche? Mangianno ’nzieme tutto è chiù sapurito!
Nun t’ apprettà. Repòsate. Quanno è pigliato 1’ uso
tu fatte ’o lietto e... basta! Sempe! Tutt’ ’e mmatine
tu èa stennere e llenzole, tu èa sbattere e ccuscine...
Tu! Sempe! Pecche sulo d’’o lietto so’ geluso...
