Chesta paggena nun è stata leggiuta.
L’ ARIA CHE SANA
Nun me giura; nun chiagnere. Te credo.
A te; no a tutt a gente c* ha parlato.
E si sapisse che m’ hanno cuntato!
Dice... ca t’hanno vista pe’ Tuledo,
p’ ’o Chiatamone, pe’ Santa Lucia...
Ncumpagnia!... No cu’ chi... Ma... ncumpagnia!
E che vo’ di? Na povera figliola
ca resta sola... nu po’ resta sola,
quanno cammina o diavulo p’ ’a via..,
Ce stanno ’e giuvinotte riformate,
che tentano... che dicene ’a parola...
ca so’ rimaste... p’ ’e mugliere ’e ll’ ate!
