Saccio ’sti giuvinotte tale e quale!
Tutt’ alliffate, cu’ ’na sicarretta
sempe ’mmocca... ca parlano accussì:
" Sì se n’ e’ ghiuto, nun ’o date retta.
Parte, credite a me, chi vo’ partì.
Ma chi vo’ bene e penza pure ’o mmale,
fa sempe chellulà c* aggiu fatt’ i’!
Io so’ siate se’ mise ’int’ ’o spitale...
facenno ’o pazzo... pe’ nu mme ne i’...
E so’ rimasto libbero, vestuto
cu ’e panne mieie... n
E io?... mme ne so’ ghiuto!
Chesta era a sciorta e me so’ rassignato:
’O miedeco nu m ha ricanusciuto
pure truvanno ’o poco e sopraffiato...
Po’ m’ hanno ditto: Parte! E so’ partuto...
E m’ hanno ditto: Spara! E aggio sparato,
tutto cuntento quanno aggiu cugliuto!
E so’ stato int’ allummeto, so’ stato...
E comme? Avesse fatto ’nu sternuto!
E tenevo ’o catarro e m è passato,
e nu parpeto ’e core e se n’ è ghiuto...
E saccio’ ’i sulo si t’ aggiu penzato 1.
Comme a ’nu pazzo! Ma nun so’ ’mpazzuto!
