Antimo — No, vado a Marigliano per disbrigare l’affare di una mia cliente, na certa D.a Angela Rosa Camicia.
Ersilia — Divertitevi bene.
Antimo — Grazie, ci vedremo stasera; Carmela vogliamo.,. (vedendo che e partita).Carmè aspetta...Carmela... (via).
Ersilia — Tre vote se perde la capa. Lasseme mettere nu poco d’ordine dinta a sta cammera de D. Felice; chillo non nce vede, e mena la rroba addò la jette jet te (rassetta la camera).
Concetta — Buongiorno Ersi.
Ersilia — Guè, Concette, si tu.
Concetta — So io.
Ersilia — Ma bella mia, cóme te vene ncapo do veni ogne tantillo ccà ncoppa? Duje juorne fa, voliste che affittasse sta cammera de passaggio a D. Felice pe tenerlo vicino alla casa toja, e io t aggio fatto contenta, ma sappiate contenere, tu de chesta manera, certo vuò avè nu straviso da fratete, e nello stesso tempo vuò fa compromettere pure a me. Saje ca chillo beneditto Vicenzino è de nu carattere che subito s’appiccia.
Concetta — Ave voglia d’ appicciarse c *a me non ne caccia niente. L’appura, m’accide, salute a chi resta, ma lo core mio è de Feliciello, e de isso sarà fino a la morte, e po’, nuje tenimmo na criatura.
Ersilia — Ma comme te nnammoraste de chillo cecato?
Concetta — Che buò da me, Ersi... non lo saccio manco io.
Ersilia — Ah! beneditto ammore! Ma pecche non faie anema e core e dice tutto a Vicenzino?
Concetta — E te pare, comme nce lo pozzo dicere, se Feliciello non tene nisciuna occupazione, non ha pigliato ancora nisciuno stato in società.
Ersilia — E Chisto è lo guajo! Intano frateto, che in parentesi, me s’è puosto appriesso comme a na mignatta, dicenno che me vo spusà, è trasuto nsospetto, e come a no cane de caccia te vene appriesso, e si arriva ad appurà lo tutto, io, tu, e D. Felice passammo nu brutto guajo.
Concetta — Non dubita, sarraggio prudente.
Ersilia — E che buò èssere prudente, Tammore non se * po annasconnere.
