Ersilia — Stammatina è tornato ria (ore, la sora è contonta, e in ha promesso che spusammo subeto subeto, anze stasera l’aspetto, e siccome ce sto obbligato pe cchiù de na cosa, così le voglio fa trova na scicca cenolella.
Carmela — ED. Vicenzino?
Ersilia — A’ ditto che non vene.
Carmela — Ma si pe combinazione venesse?
Ersilia — Guè alla fine de li cunte ce lo dico che quatte e quatte fanno otto. In casa mia non ce sta da scarfà segge, chi primme me spose, io a chillo me piglio. Carmè, io esco, vaco fino a lo puntone a fa na piccola spesolella- Quanno me piglio a D. Timòteo, te porto co me. Carmè, te voglio fa fa la vita de la signora.
Carmela — Evviva Da. Ersilia.
Ersilia — Io vaco {via).
Carmela — Aspetta ciuccio mio quanno vene la paglia nova. Tenenno na sarma de nnammorate le figliole se credene che se mmaritene priesto, quanto la sbagliene.
SCENA IV.
Un servo, poi Felice, e dette.
Servo — (Esce dalla 2a porta del 1° piano, affacciandosi)— Carmè?
Carmela — Che buò?
Servo — Saglie no momento, fa subeto, a la signora l’è venuta n’auta commorzione.
Carmela — Eccome ccà, quacche auta corsa alla farmacia. (monta le scale). Li denare de la signora de lo primo piano se ne vanno a miedeco e a medicine. Ma io me n’aggio da j da dinto a sto palazzo, non me (anno trovà maje requia e pace (entra e chiude).
Felice — (Entra premuroso con la fronte rossa di sangue)— Guardaporta, guardaporta... ccà non nce sta nisciune (prende una sedia nel casotto e siede). Mamma mia mo moro! So arrivato e non lo credo, io me pozzo cliìammà proprio Pascale Passaguaje... accossì struppiato, senza lente so arrivato a scappà e non lo ssaccio- Ma comme va che m’ aggio visto ncuollo zieme e chella vecchia arpia. Chille avevene da sta dinta a la camera e io non l’aggio visto, e tutto pecchè? pe sta cancara de cecaria. Me so menato da coppa la fert est a de lo ciardino, meno male che era vascia, si no me struppiave buono, e pure m’aggio fatta sta fica
