Ersilia —D. l imò, parlaminecc chiare, si vuje avite ntenzione de pazzia, la sbagliate, io songo vedova, e commedia ncoppa a la casa mia non se ne fa, non voglio (a parlà lo vicinato, perciò sposateme priesto, si no nce sta chi lo fa pe buie.
Timoteo — Un altro?... Ma sì pazza, tu mi faresti morire!... no. no, tesoruccio mio, noi quanto prima saremo marito e moglie.
Ersilia — Quanno è accossì po..
Timoteo — Mi perdoni, non è vero?
Ersilia — Sì... perchè che aggio da fa, lo confesso,ve voglio bene.
Timoteo — Bellezza mia! (/e prende la mano: esce Felice).
Felice — (Zi Timoteo) (si ferma sulla porta).
Timoteo — Angelo mio! (/e bacia la mano).
Felice — (Aggio arrivato a tiempo a tiempo!)
Ersilia — Volite na tazza de cafè?
Timoteo — Fatta con le tue vezzose e candide mani. Andiamo pupatella mia de zucchero, pupatella mia de zucchero. (Diano a sinistra).
Felice — All’arma de li mamme voste, all’arma de li mamme voste! Ah Ichesto nce sta sotto, ah 1 D. Angela rosa addo staie!.. Intanto mo che combino, papà me vo a lo Borgo S. Antonio Abate, Concettala me vo a lo Borgo S. Antonio Abate, e comme aggio da fa?
Concetta — {Di dentro). Aspetta co lo scatolo alo puntone de lo vico.
Felice — La vi lloco! Comme faccio? Statte, m’è venuta na bella idea.
Concetta — Guè, Felì, nce simme, spicciammoce che è tarde.
Felice — Ah!... (contorcendosi\ Ah! Ah!...
Concetta — Che è stato?
Felice — lo mo moro!
Concetta — Ma che te siente?
Felice — No dolore sotto a la panza, no, sotto a lo core me manca lo respiro. Mamma mia commencasa, comme ncasa! Ah! Ah!
Concetta — Povero Feliciello mio! Mamma mia, haie fatte na faccia ianca janca, spogliete, cor chete.
Felice — No, no.
Concettella — No, t’aie da corca, levete sta lente, spogliete.
Felice — E chi se fide... che dolore, che dolore... Ah \
Concettella — Mo t’aiuto io a spuglià levete primma la lente, {gliela leva).
