Concetta — Va va, vi' che nce voper te fa movere. (lo spinge)
Felice — E io comme la combino, comme la combino?
Concetta — Sento rummore, chiè?
Timoteo — È permesso?
Concetta — Favorite.
Timoteo — D. Ersilia nce sta?
Concetta — Sta dinto, (via).
Timoteo — Doppo na ventina de juorne, eccome ccà n auta vota, trascurando 1 doveri di medico condotto pe sta benedetta D. Ersilia, la quale mi attira comme a na calamita, io voleva bene a sta vedova e me l*avarria spusata, ma li denare de D. Angela Rosa m-? l’hanno fatto mettere a le pizzo, ed eccomi marito e possessore de chillo vasciello a tre ponte e mmiezo. Basta, solde non me ne mancano e posso corteggiare sta vedova, tantochm che mò facimmo spusà Giuseppina, la figliastra mia, co nepoteme Felice, e accossì me levo chist’aute pulece da cuollo.
SCENA VII.
Ersilia, e detto, poi Felice, indi Concetta.
Ersilia — Chi è? Chi sta ccà fore? Ah! site vuje D. Timoteo riverito.
Timoteo — So io.
Ersilia — E chi v’à aperta la porta?
Timoteo — Steva aperta.
Ersilia — Ah, si, nce sta lo fravecatore che trase e esce.
Timoteo — Sì, aggio vista la cauce nnanze a la porta.
Ersilia — Dunche site ritornato finalmente.
Timoteo — Aje ragione Ersiliuccia mia, ma che vuoi, gli affari, le circostanze.
Ersilia — Già, già, gli affari, le circostanze.
Timoteo — Oh, credimi, sa... te lo giuro per l’amore che ti porto.
Ersilia — Bell’amore, la verità.
Timoteo — E potreste dubitarne.
Ersilia — Avite parlato co la sora vosta?
Timoteo — Tanto bello.
Ersilia — E che ha ditto de lo matrimonio nuosto, acconsente?
Timoteo — Certo.
