Ersilia — E chi lo ssape. nc* sta lo Irate de Concettella che me vo spusà.
Mariella — E doppo tutto. Vicenzino è no buono giovene.
Ersilia — Ma caudo de capa, strambo, manisco...scuse Concettè si parlo accussi, ma che buò, io n’aggio passato de le belle co la bonanema de maritemo.
Mariella — A proposito, te lassaie niente?
Ersilia — Quacche migliaretto de ducate, e stu quartino ammobigliato, de lo quale io n’affitto na porzione (di dentro campanello).
Concetta — Chi sarrà?
Ersilia — Aspe, lasseme spia, (va in fondo). Chi è?
SCENA III.
Vicenzino, Federico, e dette.
Vicenzino — Aprite.
Concetta — Fraterne!
Ersilia — Aspè, non te fa vedè, annascunnete dinta a sta cammera, quanno isso trase, tu te ne vaje (l'.'fa entrare 2' porta a sinistra e va ad aprire).
Mariella — E che d’è sta storia?
Vicenzino — D.a Ersi, è permesso di riverirvi?
Ersilia — Voi siete sempre il padrone.
Vicenzino — (a Federico)—Trase, trase, senza cerimonie, la signora è cosa nostra. Permettete che vi presento l’amico mio Federico Porretti.
Ersilia — Tanto piacere.
Federico — Signora.
Mariella — Uh! D. Federico!
Federico — Mariella, come, qui? (Concetta via sulla punta dei piedi).
Mariella — Sò benuta ccà pe truvà a...(ad un segno di Ersilia) pe trovà a Ersilia, che è amica mia. E buje?
Federico — Sono stato a trovare questo amico mio, col quale ho fatto il soldato, ed egli mi ha voluto presentare alla prossima sposa sua.
Ersilia — D. Vicenzino corre troppo.
Vicenzino — Eh, so fatto cavallo cammenatore. D. Ersi, non facite storie, a me sti vuommeche la verità non me piacene, voi siete libera, non dipennite da nisciuno,
io tengo n’arte a li mmane che me fa lucrà quatte cinche lire a lo juorno, dunche pecchè non se po fa sto matrimonio?
