Chesta paggena è stata leggiuta.
27
miseria e nobiltà
castagne, e te faie dà pure na lira ndenaro, e piglie duie litro de vino a lu cantoniere derimpetto... Va!
Fel. (con ironia) Ma ccà dinto nce sta l’orologio e la catena?
Pasc.Nce sta rrobba che va chiù de l’orologio e la catena!
Fel. Mò te la chiavo nfaccia la mappata! Chillo si pure me lu dà nu chilo e mmiezo de menuzzaglia!..
E chillo se ne vene cu lu burro, la buatta de pomidoro... Io si le cerco tutto chello che m’aje ditto, chillo me li mena appriesso sette o otto buatte vacante.
Pasc.Lloco dinto sta lu soprabito mio de quanno faceva lu salassai ore.
Fel. E me vuò mparà a me lu soprabito tuio! Chillo s’arricorda ’o 48! E po’, io nun nce pozzo ji da lu putecaro, pecchè tene nu cazone e nu gilè mio da nu mese, e nun me l’aggio pigliato chiù.
Pasc.E io manco nce pozzo ji, pecchè quinnece juorne fa le portaie la coverta d’inverno.
Fel. E chisto lu putecaro tene tutta la rrobba nosta.
SCENA VII
Eugenio e detti.
Eug. (di dentro) È permesso?
Fel. Chi è? favorite.
Eug. Scusate, abita qui un certo D. Pasquale... Ah! neccolo là.
Pasc.Chi vedo! Lu marchesino!
Fel. Lu marchesino?
