Chesta paggena è stata leggiuta.
miseria e nobiltà
Giac. Ah! neh? (E stato tre anne impiegato cu lu ministro de li finanze!)
Luig. Stava cu n'inglese ricchissimo, il quale non tenendo parenti, bellezza mia, non tenendo a nessuno, quando morì lasciò tutto a papà... Me pare da 300 mila lire.
Giac. Ah!
Luig. Si, pecche lu voleva bene comme a nu padre, erano vinticinche anne che lu teneva, e poi senza parenti.
Giac. E bravo! Vi' che bella fortuna!
Luig. Eh! solo questo? Oltre poi di questa fortuna, bellezza mia, papà tiene la figlia, mia sorella, che è prima ballerina di S. Carlo, e ogni stagione piglia cinque o sei mila lire... e capite, tanta denare po’, bellezza mia, che n’ann’à fa?
Giac. Oh! questo è certo, è buono che frusciate voi qualche cosa, bellezza mia!
Luig. Ma, D. Giacchi, se vedete a papà, ve raccomando, non dite niente.
Giac. Oh, non dubitate; anzi, siccome domani nce aggio da ji, pecchè se vò accattà na casarella che tengo ncoppa a lu Vommero, se mi riesce, in discorso, metterò qualche buona parola per voi.
Luig. E io vi ringrazio tanto tanto, bellezza mia!... Uh! vene essa da chesta parte... Quanto è bella!.. D. Giacchi, le voglio fa na sorpresa, non dite che so’ venuto (si nasconde in fondo).
