Chesta paggena è stata leggiuta.
10
eduardo scarpetta
Giac. Oh! nun nce penzate.
Luig. Dovete sapere che io amo pazzamente la figlia di D. Pasquale, Pupella, una vera pupatella, e per quella giovine, bellezza mia, farei qualunque cosa.
Giac. E cu papà come state, in pace o in urto?
Luig. In urto, bellezza mia, sempre in urto!
Giac. E bravo!
Luig. Due mesi fa, me pigliale 1500 franchi da dentro a la scrivania, e me n’andai. Lui non disse niente, solamente nun me vo’ ricevere più in casa.
Giac. E avite ditto niente!
Luig. No, ma quello fa così, e poi le passa. Sempre così facciamo, bellezza mia! Quanno me servene denare io me li piglio e me ne vaco. Appena li ho finiti, o per mezzo di mia sorella, o per qualche amico che metto per lo mezzo, nce faccio pace...
Mo’, per esempio, bellezza mia, me so’ rimaste quatte solde dinta a la sacca, dimane assolutamente aggio da fa pace cu papà, bellezza mia.
Giac. E si dimane papà è tuosto, e nun vo’ fa pace, vuje comme magnate, bellezza mia?
Luig. Eh! nun fa pace!... Io ne so’ sicuro, nce sta mia sorella che lu cumanna a bacchetta. E po’ papà è ricco, bellezza mia!... L’Inglese quando morì, lasciò tutto a lui.
Giac. Chi Inglese?
Luig. Comme chi Inglese? Addò isso steve pe cuoco!
Giac. Ah papà era cuoco?
Luig. Sissignore, bellezza mia, e come, non lo sapete?
Giac. Si, saccio qualche piccola cosa.
Luig. Sissignore, papà tre anni fa era cuoco, e io aggio fatto tre anne lu sguattero cu isso.
