Chesta paggena è stata leggiuta du' vote e mo è fernuta.
— 16 —
D.A. Statte zitto!
D.P. La fiseca, la nauteca,
- L’astronommia, la medecina, la…
D.A. Trasetenne, o mmo votto
- La porta nterra.
D.P. Ciuccio-bestia ut oclo.
SCENA SETTEMA.
D. Aniello sulo.
Mannà li vische suoie!
A parlà sempe, e a no ssentire maie?
Mme deceva lo masto, ch’Arestotele
Era no chiacchiarone;
E tte caccia sse sciorte de scolare.
Iammo a pparlare a ll’autro;
Non fosse tanto pazzo, e mme facesse
Mettere nquarche siesto sso niozio.
Tuppe tuppe; nce stesse Don Mamozio?
