Ncoppa vaso di vrito;
C’ha puosto li penziere e li designe
Tutte miezo a lo fummo;
Che, mentre co lo manteco
Va le vanno le shiamme,
Co le parole ntanto,
Pasce lo desederio de chi aspetta
Chello, che mai non vene.
Va a caccia de secrete,
E se va spobrecanno pe no pazzo;
Pe retrovare la materia prima,
Perde la propria forma;
Crede moltiprecare
L’oro, e desmenuisce chello, ch’ave;
Se magena sanare
Li metallo malate,
Ed isso se ne coi-re a lo spetale;
E, ncagno de quagliare
L’argiento vivo, azzò se spenna e vaglia,
La stessa vita, faticanno, squaglia.
E, mentre trasmotare
Se pensa nnoro fino ogne metallo.
Se trasmuta da n’ommo no cavallo!
Fab. Senza dubbio è pazzia
A pigliare sta mpresa: io n’aggio visto
Ciento case scasate, e poste nfunno!
Nullo ne luce maje.
Ma, pe granne speranza desperato,
Ne va sempre affommato, ed affammato!.
Jac. Ma dimme; vuonne chiù pe tre caalle?
Fab. Io stongo canna aperta pe scortare.
Jac. Ed io me ne jarria per fi a la rosa!
Fab. Secuta puro mo, che stai de vena!
Jac. Si, quanno l’arma non me stesse mpizzo,
Pocca passata è l’ora de lo mazzeco!
Paggena:Lo cunto de li cunte - Tomo I.djvu/156
Chesta paggena nun è stata leggiuta.
156
LA COPPELLA
