ATTO SECONDO
Salotto in casa di Francesco. Mobilia elegante. Mensole con specchi e candelabri. Molti cestini di fiori sparsi per la stanza. Piccolo divano innanzi alla scena — Sedie tapezzate, portieri alle porte e alle finestre — È sera quindi saranno accese le steariche.
SCENA I.
Francesco — e Totonno
Francesco — (molto affacendato) foto, te raccomando, mo che finisce d accendere e lume, miette in ordine tutte sti cestine di fiori, fa in modo che se vedono tutti quanti, io voglio che quei signori che mo hanna veni, vedano tutti i fiori che ha avuto regalati Maria p’o nomme suio.
Totonno — (che accende i lumi e rassetta) Nun ce penzate che mo acconcio io tutte cose. Vuie nun avita fa ato che cumannà surtanto, p’ ’o riesto lasciate fa a me.
Francesco — O saccio che sei un giovane svelto e perciò son sicuro di quello che fai.
Totonno — Io aggio servuto tanta case nobile, non pe disprezzà ’a casa di V. E. e tutte m’hanno purtato nchiante ’e mano.
Francesco — Lo so, lo so, e perciò ti voglio bene’ Oh ! Totò, quanno vene’ o s urbettiere a purtà ’e gelate, falle mettere dint’a cucina. Si vene quacchè invitato cchiu priesto tu nun ’o fa assetta dint’ a galleria, ma fallo aspettà dint’ a stu salotto. Tu mo’ ’e capito?
Totonno — Va bene, v’aggio ditto nun ce penzate. L’etichetta a conosco e saccio a mano diritta mia.
