Peppenella (con una smorfia) — E io niente saccio!
Carmela — Meglio accussi: chiacchiere ’e meno! (Va al balconcello, trasale, fa un cenno giù, verso qualcuno che aspetta, poi, a Peppenella, che di traverso ha osservato ogni cosa, in tutta fretta, con voce incolore mormora) Io vaco[1] primmo[2] ca ven’isso…
Peppenella (con intenzione, fermandola) — E scusate… Allora comme le dico a Don Giuvanne si me spia? Ca nun saccio niente?
Carmela — E niente saie!
Peppenella — Io chesto sto dicenno.
Carmela (aggressiva) — Pecché, sapisse[3] quacche cosa?
Peppenella — No.
Carmela (scattando) — E stanotte nun me retiro.
Peppenella — Accussì lle dico?
Carmela (tormentandosi, decisa) — Tu he ’a dicere ca nun saie niente.
Peppenella — Ah? e mo mm’ ’o state dicenno!
Carmela (per fuorviare il discorso) — Ce ne sta uoglio[4], dint’ ’a butteglia[5]?
Peppenella — Sì.
Carmela — Embé, ’e maccarune[6] s’ ’e ppo ffa’ pure aglio e uoglio. Maritemo cucina buono. Primma ’e se ’nzura’[7], pur’isso se cucinava. (E va al balconcello).
Peppenella (soffiando il fuoco) — E già, ma si chillo vuleva cuntinua’ a cucena’ isso, nun se spusava…
Carmela (senza badarle) — Io vaco.
Peppenella — Jate. (Carmela, rapida, esce. Pausa).
La voce di Elisa — Peppene’?
Peppenella — Trase, Eli’. (Elisa viene dalla porta di strada. E una giovanetta figlia di operai, dall’aria distinta).
ELISA (sorpresa) — Ma che ha fatto, Donna Carmela? è scesa?
Peppenella — Eh! (Come dire: purtroppo) E io appiccio ’o ffuoco pe’ mettere ’a tiana p’ ’a pasta, ’o marito.
ELISA (prorompendo) — Ma siente, è proprio na birbante!
Peppenella — Mo te ne sì accorta?
ELISA - E che caspita! ’O troppo è troppo!… Ce ’o ddaie proprio a capi’, ce ’e ffaie sott’a ll’uocchie[8]…
Peppenella — Pe ce ’e ffa’ vede’ meglio. (Pausa).
ELISA — Addo’ sarrà ghiuta[9]?
Peppenella — A ddu ’amico suio. (Va al balconcello, trasale) ’A vì llà… (Indica un punto
