Paggena:Cucina teorico-pratica.djvu/395

'A Wikisource.
Jump to navigation Jump to search
Chesta paggena è stata leggiuta.
387
Pommadore.

Piglia chelle pommadore tonne, e che no siano chelle tutte ricce, l'anniette, e le spacche a mez'a meza, dinto a no ruoto nce farraje no solaro de mollica de pane grattato co sale pepe e arecheta, e po nce farraje no felaro de pommadore; ncoppa a lloro n'aula sciuriata de mollica ec. e uoglio fino, e no nce ne farraje chiù de duje solare pecchè si no, nò ponno venì belle ncruscatelle a lo furno.

Pommadore sane mbottunate a lo furmo.

Pe chisto piatto aje da piglia le pommadore le chiù tonne, e acconce, le scafutarraje co lo ncavafrurto, ne lievarraje tutte le semmente, e chell'acquiccia, che la miscarraje co la mollica de pane grattata, a recheta, sale, pepe, chiapparielli, e aulive ntretate, farraje na mmesca co no poco d'uoglio, e po co chesta rrobba mbottune le pommadore; piglia no ruoto nce faje na sciuriata de mollica de pane grattato, arecheta sale, e pepe e nce miette acconce acconce le pommadore l'auta, mollica pe coppa, e na bona augliata, e le farraje cocere a lo furno.

Caulisciore ncassuola.

Piglia lu caulisciore no tanto gruosso, lo tagliarraje a cimm'a cimma, ma socce; miette dinto a na cazzarola, no poco de nzogna, o de butirro e no miezo ruotolo de vitella tagliata a fellucce, sale, e pepe, e la farraje zoffriere, quanno la carne s'è meza cotta, e che non sia