Paggena:Canzone e Ariette nove.djvu/87

'A Wikisource.
Chesta paggena è stata leggiuta du' vote e mo è fernuta.
77
ariette nove

Tramonto a Puortece


II.


          D’ ’a cchiesia ’e san Pascale
               ’a campana, ca sona
               — cu nu suono argentino —
                         a mmatutino,
          a poppa e a prora
               sceta chi dorme ancora
               ncopp’ ’o vuzzo e ’o vasciello
                         d’ ’o Granatiello.
E, tutto nzieme, se sente na voce:
     «Ccà sta Teresenella ’a purticesa!
     Ddoje pe nu rano ’e purtualle doce!
     E so’ meglio d’ ’e fravule ’e cerase!…»