Chesta paggena è stata leggiuta du' vote e mo è fernuta.
76
ariette nove
E, annascosto adderete a na culonna,
llà t’aggio vista n’terra addenucchià:
llà t’aggio vista n’faccia a na Madonna
st’uocchie, lucente ’e lacreme, aizà…
E tu, forse, mm’ ’è visto.
Ma nun te si’ ddignata
nemmeno ’e t’avutà.
Po’ — lentamente —
si’ asciuta ’a dint’ ’a cchiesa
’e San Ciro putente…
Povera purticesa!
Addo’ te fece ’o voto ’e te spusà…
