Chesta paggena è stata leggiuta du' vote e mo è fernuta.
61
lassammo fa’ dio…
E chella,
comme fosse mpazzuta,
cammenava, curreva,
nciampecava e cadeva,
e s’aizava… E fuieva
Chiammátela! Addo’ va?!…
— Zitto!.. — dicette ’o Padre Eterno — Zitto…
Lass’’a fa… lassa ’a fa….
Cade ’a cielo, ’a mammarella,
puverella, puverella.....
Curreva, fuieva
pe nnanz’ ’e cumpagne passanno,
(ca nun se muvevano cchiù)
sperduta — abbeluta,
chiagnenno, tremmanno,
mpauruta — sbattuta,
curreva, curreva int’a ll’ombre
e dint’ ’o silenzio d’ ’a sera,
Nannina ’a pezzente....
E, senza sapé cchiù addo’ jeva,
curreva, curreva….
