Paggena:Canzone e Ariette nove.djvu/112

'A Wikisource.
Chesta paggena è stata leggiuta du' vote e mo è fernuta.
102
ariette nove

’O core d’ ’a femmena
     è comm’ ’o rilorgio guastato,
     ca mo ’o siente sbattere,
     mo ’o vide fermà.
          Inzomma, ch’è ’a femmena?
               Ched’è? Nu mastrillo aparato.
               E ’o povero sórece
               è ll’ommo, ecco qua.
                         E tu
                    pigliatella
                    accussì,
                    comm’ i’
     ll’ accetto e mm’ ’a piglio…
                    Vuo’ sentere?
                    E siente
               nu buono cunziglio.
               Cuntèntete ’e nun sapé
                         niente…