Chesta paggena è stata leggiuta du' vote e mo è fernuta.
101
ariette nove
E tu pigliatillo…
’O core d’ ’a femmena
è comme a na lettera nchiusa.
Chi maie ce po’ leggere?
Chi ’o po’ scanaglia?
Mo abbruscia — mo spánteca —
mo piglie e t’ammenta na scusa,
pe nun te fa ntènnere
ca sta p’avutà…
E tu
pigliatillo
accussì,
comm’ i’
ll’accetto e mm’ ’o piglio…
Vuo’ sentere?
E siente
nu buono cunziglio.
Cuntentete ’e nun sapé
niente.
