Paggena:Canta Posillipo... (Ernesto Murolo).djvu/64

'A Wikisource.
Chesta paggena nun è stata leggiuta.
— 58 —

IN LICENZA.

Schiattarella Pasquale
— surdato anziano d' 'o sittantasette —
nun steva dint' 'e panne quann’ avette
« la licenzia invernale »
. . . . . . . . . . . . . . . . . . . .
Dint' 'o treno, tutt' 'a nuttata,
lle passavano nnanz’ a ll' uocchie
cu nu triemmolo 'int’ ’e ddenocchie,
mo 'a puteca 'ncopp’ 'a Nfrascata
mo 'a mugliera figliola ancora,
(... curre oi treno...) accussi carnale...
(...Chist’ è Puortece...) benedico,
ca, scullata, d’ Està, cu' 'e bracce 'a fora,
quann’ arape 'a puteca ’e speziale,
             fa' arrevutà nu vico!...

Pasquale Schiattarella avesse maie
    jastemmato 'a eh' è nato.
’Avesse mai, p’ ’a guerra, ditto niente.
Quanno chiammaino ’a classa soia, sfucaie
                  dicenno sulamente:
« Uh! Mannaggia ’o demmonio scartellato!...»