Paggena:Canta Posillipo... (Ernesto Murolo).djvu/65

'A Wikisource.
Chesta paggena nun è stata leggiuta.
— 59 —

Mo, vedennose a Napule ’e ritorno,
s’ abbracciava cu ll' uocchie ’a gente attuorno !
E che surpresa, neh!, chella matina,
quanno arapeva 'a porta ’a siè Nannina !...
           (—« Mugliera mia, mugliera:
           ... votta a ffa’ notte, stasera!... »)

Ma, for’ ’a ferrovia,
nun êva fatto manco tanto ’e via,
na femmena ’o guardaie cu n’ inzistenza,
ma ’n’ inzistenza tale,
ca ’o povero Pascale
perdette ogne prudenza e canuscenza...
E, o fuie 1’addore acuto ’e «bajulì»,,V
o ’a Primmavera, o forze 1’ astinenza,
o a zenniatella d’ uocchie, o ’a parulella...,
’o cert’ è ca Pasquale Schiattarella
            dicette: « sì... ’

E tutto bardanzuso e spirituso
lle cammenava affianco, quanno... ntrànghete...:
(oi terra agliuttatillo sano sano...)
          ’a mugliera ’a luntano!!...
Schiattarella confuso,
... se fermaie... se stunaie..., cacciaie na carta...
’a liggette cu n’ aria indifferente
vutato a n’ ata parta...
Ma che vuò fa’!... Fuie a ttiempo sulamente
pe’ dicere: « Nanni, chist’è nu sbaglio... »
ca già ’a mugliera, verde cumm' a ll’ aglio,
’o dette ’e mano... Isso aparaie c’ o vraccio
tre ponie, quatto pacchere e nu scippo...
Penzaie pe’ nu mumento: « mo m’ allippo... »;
po’ riflettette: « e che figura faccio!... »
Essa alluccava:
            — « Ebbiva ’o carugnone!