Chesta paggena nun è stata leggiuta.
— 21 —
’A PRIMMA NAMMURATA.
Aiere, pe’ Tuleto, me ncuntraie
cu ’a primma e sola nnammurata mia.
LPuocchie pittate, addò passaie, lassaie
tutt’ ’e prufume ’e na prufumaria...
E a vint’ anne i’ turnaie cu stu penziere,
chilli vint’ anne ca nun tengo cchiù!
L’Ammore è na ferita
ca 'o Tiempo po’ sanà,
ma te rummane ’o segno tutt’ ’a vita
pe’ t’ 'a fa’ ricurdà!...
E me so’ ricurdata na fenesta...
Maria mmiez’ ’e glicinie rampicante...
Doie fronne ’aruta ’mpietto ’o juorno ’e festa,
duie curallucce ’a recchia pe’... brillante...
E na vesta cu ’e mmane soie cusuta...
nu poco ’e cipria ’nfaccia e... niente cchiù I
