Gio. Aspetta, aspetta; n’ auta penzata crassica: a minali estremi rimmedii ridienti l (a Gen.) Tu saje li fatte mieje, e io saccio li tuoje; juràmmoce porzì parentela.
Gen. T’ aggio piscato! tu spuse a nnepotema, e io sposo a ssoreta: mperò si ncv è lo genio scambièvoco.
Ter. Pe mme non me rifiuto
Lui. E io faccio lo stesso, e pperze Chisto è no vaso, e dda mo simmo cognate, (si bacia. na le giovani scambievolmente)
Gio. E bba bene! li matrimmuonie se fanno stasera; anze justo justo: D.’ Marianna ncià mmitato porzì a no festenuozzo ncoppa a la locanna e nce jarrimmo tutte quatte ncatenate.
Ter. A uso de scigne! siè Giovà!...
Gio. Scatenate in matrimonio: cliesta è parola, comme se dice, sotto-mitàfrica.
Gen. Penzammo mo che a mmomente avimmo d’aprì e bbedimmo de farce annore.
Lui. Ca po stasera: li giuvene esigeno, e nnuje jammo a sposa.
Gli uomini: Va benissimo; al lavoro, (entrano nelle rispettive botteghe)
Le donne: A rrevederce cognà. (c. s.)
SCENA VII.
Catiello, poi Pulcinella.
Cat. (comparisce dalla casa di Porzia pensieroso, e dice tra sè) Bonora! cca F arrusto piglia de fummo!, io m1 accosto a la guaglione, Ile dico tanta parole duce, e cchella primma me tene mente, e ppò
