Paggena:Altavilla - A cchi dice cchiù ppallune.djvu/75

'A Wikisource.
Chesta paggena è stata leggiuta.
— 75 —

tanno so ccottenta quanno faccio na paccariata generale! (prendendo il bastone di Antonino)

Pan. (piano ad Ans.) (No cchiù! avessemo da ire dinto a la generalità?)

Carm. (a Gia.) Sei venuto qui, e ppercbè? perchè ti sei approfittato che questa signora in unione de li ffiglie so na màneca de bestie.

Pop. } Comme!
Emi.
Err.

Carm. Non ve ne pigliate ca cheste so ttutto lode che ve faccio. (a Gia.) Non dovevano ammetterti in casa, capisce? tu sì na persona dubbia, sì nu cammariero e conosciutissimo peparuolo, perchè ti hai esatto l’appalto in Trocchia e tte ne sì fuggiuto con tre mesate che haje da dare a nnuj’ aute, capisce?.. e ppe ll’arma de patemo, si mme saglieno te faccio na paccariata a tte e a lloro che t’hanno ricevuto.

Pop. Nè, madà...

Carm. So llode, so llode, (a Gia.) Io già aggio capito; te sì aunito con quel briccone del signor Telomboccato, primo tenore, che si stesse cca io... (fissa Men.) Ah! mpiso briccone! cchiù peparuolo de st’ auto peparolone: viene cca!. (prendendolo pel giustacuore)

Men. (sotto voce ed intimorito) (Carmenella, pe ccarità!...)

Carm. (c. s.) (Niente, na scutoliata ll’haje d’avè.)

Men. (Carmenella!..)

Carm. E ttu sì stat' ommo de nnammorarme e ppiantarme comm’ a na marmotta (lo bastona)