Gen. Ma che sei forse antropofago che mangi carne umana?
Pul. Ccà nun c’entra l’astrologo pecché chille erano cìerte pullaste gruosse e grasse ca pe’ pruvà appena appena me n’aggio mangiato dudece.
Gen. Ma tu vaneggi? Io non capisco un epiteto.
Pul. ('A faccia ’e zieta! Vih che puorco)
Gen. E l’Oste?
Pul. E l’Oste vedennome accussì accrianzato, c’aveva pruvato a malappena ogne cosa e me ne vulev’j’, ha afferrato ’a varra e m’a vuleva menà appriesso.
Gen. Ma tu fosti dall’Oste?
Phi. Sissignore, e propriamente da chillo che sta dint’ ’o Castiello.
Gen. Come, come! L’Oste è già nel mio Castello?
Pul. E ch’è cosa nova? Chillo nce sta ’a sett’anne.
Gen. (Povero me! Costui ha inteso diversamente) Ma tu di qual Oste parli?
Pul. Do Tavernaro.
Gen. Del malanno che ti colga, sciocco, inetto, imbecille, poltrone! Io ti dissi di andare a vedere se l’Oste nemico ci tendesse qualche insidia, e ritornare da me con la prova…
Pul. E cchiù nemico d’’o tavernaro addò ’o truove? e spicialmente quanno tiene appetito e staie senza denare…
Gen. Ed è proprio per pietà se non ti butto dal balcone abbasso…
Pul. E non ve ncummodate, ca io mo me ne scengo pa scalinata (per andarsene).
Gen. Resta qua. Io entro per poco nelle mie stanze, se viene qualcuno a cercarmi, tu tienimi tosto avvisato.
Pul. Comme, neh, signò, me stravesate?
Gen. Avvisato, avvertito, bestia. Hai capito?
Pul. Avvisato, gnorsì, aggio caputo (va trova chi sarrà mo st’avvisato,) (lazzi).
Gen. Sempre sciocco, sempre inetto, sempre melenso (via)
Pul. Comme! Sfelenza a mme! Io mo a chillo che risposta l’aveva dà? Nce vo pacienza! Ma che veco, na bella pacchianella vene ’a chesta parte, e chi sarrà? Forse quaccuna c’avarrà ntiso ’addore d’’a bellezza mia e m’è venuta a truvà.
