Chesta paggena è stata leggiuta du' vote e mo è fernuta.
— 23 —
XIII.
’A cumparza ’e chist’ommo beneritto
fuie buono aùrio a chilli cavaliere.
Vutava ’a strata, e propio dint'’o stritto,
pàffete! ’E faccia steva ’o canteniere!
— Chisto, mò è certo, nce ’o fa, nu zuffritto!
dice Orlando, e se ’mmocca cu ’e guarriere.
— Che cumannate?... — Na cosa.... nu fritto,
na zuppa, addò nce azzeca nu bicchiere!...
— Faccio na meza purzione a ttesta?...
— Na meza?... Tu qua’ meza vai cuntanno!
Si rrobba nun ne tiene, ’e fatto festa!...
’E palatine màgnano a ccantàre!
Tu nun te spicce manco pe n’at’anno...
Sti ffamme ccà? cheste so’ famme rare!
