Chesta paggena è stata leggiuta du' vote e mo è fernuta.
— 22 —
XII.
Cammìnano, accussì, pàssano ’a notte,
’a notte appriesse, e tutt'’o juorno appriesse!..
Veneca n’ommo cu cierti rricotte;
Orlando ’o chiamma: — Bell’o’! C'’o permesse!
Dimme na cosa... ’e vvinne, sti rricotte?
— Gniernò, signò... Pe mme.... fosse ll’istesse...
Vengo ’a Castiellammare a ossa rotte....
V'’e desse tuttuquante, si putesse....
Ma l’aggia purtà ’o sinneco ’e sta terra,
ca ogge è ’o nomme suio — Comme si chiamma?
— Chisto è ’o buglietto: don Pascale Guerra...
— Guerra? E nun me canusce?... E miette ccà!...
Guerra songh’io!... E tengo pure famma!....
Tenite spicce?...’O voglio rïalà!....
