E’ venuto don Federico? (Giulia afferma con la testa—a sua moglie) E staie ancora cca?.. (a Giulia): E t’ha vattuta?.. (Giulia afferma con la testa). Nfame! nfame! (si slancia contro la mogle)
Giu]. — (con spavento): Papà... papà mio!..
Carm. — (lo trattiene) Lle vulite fa’ piglià na vermenara?
Raf. — (a sua moglie, indicandole la porta) Iesce!.. iesce!..
Virg. — (esce, guardando con disprezzo il marito).
Raf. — Giuliè... figlia mia! (scoppia in pianto, abbracciando la figlia, e cade sulla sedia).
Carm. — Meno male! Se n’è ghiuta!.. ’On Rafè, ringraziatene a Dio! Chella chi sa qua’ iuorno ve faceva passà nu guaio... Ma chella ha fatto pe’ fa’ vedè...(avvicinasi con premura) Iammo... don Rafè... ’o diavolo nun è brutto comme se pitta... Se sape: so’ chiacchiere ca passano...
Raf. — Nun mettarrà maie cchiù ’o pede dint’ a’ casa mia... Maie, maie cchiù! E’ pe st’anema ’e Dio ca me dispero... Chi l’assistarrà? Chi lle farrà da mamma? Vuie ’o ssapite quant’aggio ’a faticà pe m'abbuscà nu tuozzo ’e pane...
Carm. — E ch’è fenuto ’o munno? Simmo o nun simmo napulitane?
Raf. — Grazie; vuie avite tenuto sempe 'o buon core, e pure ’o marito vuosto...
Carm. — Ah! Vicienzo, sì, è overo, è stato sempe nu buon ommo... E pure tene ’e vizie suoie... (Giulietta tossisce). Giuliè, iammo; pigliete ’a medicina... (va a prendere un cucchiaio di medela).
Raf. — Te siente male?
Carm.. — Ecco cca! (le dà la medicina): Brava..., brava Giulietta...
Raf. — Don Federico è stato cca?
Giul. — Sì.
Raf. — Nzieme cu mam... cu chella femmena?
Giul. — No... mam... steva cca... Po’ è venuto don Federico...
